السلام عليكم .. عساكم بخير :)) وصفة اليوم او كريمة اليوم كريمة كتير خفيفة ولذيذة وغنية بنفس الوقت وانا شخصيا حبيتها اكتر من اي نوع اخر وهي بديل لكريمة الزبدة وكريمة الخفق يعني اممممم متل تغيير وغير انه في ناس كتير بيحسه كريمة الزبدة تقيله ودسمه وطعم الزبدة فيها ظاهر كتير فقررت انزلها حتى الكل يستفيد متل ما استفدت وان شاء الله تجربوها وتعجبكم وانا مستعده لاي استفسار بس بعد ما نشوف المقادير والطريقة وطبعا راح انزل فيديو يوضح الطريقة عشان تسهل عليكم ..
بالاول الكريمة عبارة عن كريمة الباتسيير وتخفق بنفس المقدار زبدة تقريبا نبدا بالمقادير
- مقادير الكريم باتسيير :
3 وربع كوب حليب
4\3 كوب سكر
3 بيضات
2 ملعقة زبدة
نص كوب نشا
فانيلا
- الطريقة :
ناخد من كمية الحليب كوب ونضع باقي الحليب 2 كوب وربع على النار مع السكر والزبدة ونحركهم بعد ذلك نضع على كوب الحليب الباقي البيض ونخفقه جيدا ثم نضع نص كوب النشا ونحركه جيدا وعند غليان الحليب والسكر نبدا بوضع الحليب مع النشا والبيض مع الخفق المستمر حتى لا تتكون كتل ثم نضع الفانيلا وعند غليان الكريمة نظقئ تحتها النار ونتركها لتبرد قبل الاستعمال وفي هذه المرحلة ممكن ان نستعملها كحشوة لحشو الكيكة مع قطع الفراولة او الاناناس والفواكه المشكله .
ملاحظة : تترك الكريمة لتبرد وتغطى بمنشفة حتى لا تتكون قشرة او ترش بسكرلكن الافضل الاثنين لضمان ان تكون الكريمة ناعمه وبدون حبيبات .
طريقة تحضير الكريمة الالمانية :
نحتاج لكوب من الكريم باتسيير بعد ان تبرد مع كوب من الزبده بحرارة الغرفة ونخفقهم جيدا لمدة لاتقل عن 4 دقائق للتكون كريمة لذيذة وناعمة يمكن ان نستخدمها لتغطية الكيك وتزيينه او لتزيين الكب كيك وصحة وعافيه .
اترككم مع فيديو يوضح الطريقة :)
استعملت نفس طريقة الكريمة بتغطية هذه الكيكة وحشيتها بكريمة الباتسيير مع الفراولة
20 التعليقات:
روعة موضوووع عجبني
الباستري للحشوة
ةالكريمة الالمانيه للتزين هل هيا ثابتة و تتحمل الجو الدافي وهل يمكن تبريدها او استخدامها في نفس الوقت ارجو الرد
مشكوووورين موضوع اكثر من رائع
تعبت و انا اكتب الرد بسبب الكلمة و الرقم ما مشي الحال غير لما ضغط علي اصدار نت
رفيف تواجدك اروع اختي ..عن تجربه تتحمل ولا تسيح وممكن تبريدها بس بتجمد لانها فيها زبده لازم اطلعيها قبل بفترة تسيح شوي وزيني فيها جربيها وقليلي كيف طلعت معك :)
طلعت تجنن عن جد الله يسعدك
الله يخليكي انا اعتمدتها بصراحة واحيانا كريمة الخفق اذا كنت مستعجله :) نورتي مدونتي
بتشبه عجينة السكر ؟؟؟ راح اجربها انشالله تزبط معي لاني بحب كتير اجرب هيك شغلات
مرحبا .. عمرك جربتي طريقة الكيكة الإسفنجية اللي بالفيديو اللي فوق؟ هي مختلفة عن الطرق المعتادة عشان الحمام المائي بس استغربت انو مافيها باكينغ باودر فخايفة اجربها .. يا ريت تفيديني
مراحب ايوه جربتها وعادي عشان يدوب السكر بدل ما تحطي سكر ناعم والاهم بيطبخ البيض خلال تسخينه وبخصوص البيكنج بودر عادي هي اسفنجية بيكفي البيض عشان تنفخ واذا حطيتي بيكنج بودر ما بيفرق بس ما تكتري عشان تضل مسام الكيك متساويه ومافي فقاعات
بقدر احط بدل الزبد سمنه؟
اختي بصراحه مابعرف ماجربتها :)
سماح حبيبتي شكرا الك كتير على الشرح والافادة ولكن لو سمحتي عندي ملاحظة انو الفيديو مكتوب فيه انو بنستعمل 16 اونز كريم باتسيير مع 11 اونز زبدة فهل هدا المقدار بيطلع كوب الى كوب متل ما انتي ذكرتي؟؟!!!!!
علما بان الاونز نقريبا 28 غرام؟
العفو حبيبتي واهلا وسهلا فيكي صحيح كلامك بس الطريقه الي انا حطاها مش هي الي بالفيديو الفيديو توضيحي للخطوات وانا حسيت الي بالفيديو مابتكون متماسكه متل الي نزلتها فبحثت عن طريقة تكون افضل ومتماسكه اكثر وبخصوص ال11 اونز بيكونو اكتر من كوب لانو ال8 اونز بيطلعوا كوب تقريبا والله اعلم
ملاحظة مهمة لم تنتبهوا عليها و أنا بعرفها هو مستعمل في الوصفة طحين اسمو ( sifted Flour ) وهاد منعملوا كما يلي وعن تجربة عم أحكي هالكلام وجربوها رح تدعولي
نضع لكل 85 غ = 3/4 cup من الطحين العادي يلي يستخدم للعديد من الوصفات نضع له 2 ملعقة طعام = 15 غرام من كورن فلور يعني نشاء الذرة ومن بعدها منقيس الكمية اللازمة لنا لهذه الكيكة وهي 1 و نص كوب من طحين sifted Flour
وهاد السر يلي بيخلي الكيك أسفنجي و خفيف ولا يحتاج باكينغ باودر أنا مجربة ذلك وعم أحكي من خلال تجربتي و الله شاهد علي بس حبيت فيدكم بهالمعلومة
اهلا وسهلا rafah شكرا للمعلومةوالنصيحه بس حبيت انبهك انوالsifted flour يعني منخول الدقيق بس الcake flour هو عبارة عن الدقيق متعدد الاستعمالات مع النشا وانا سبق ونزلت طريقة لصنع دقيق الكيك بالمنزل ابحثي عنها بالمدونة :)
من ايش مكون الحمام المائي
بليز انا ماعرف انقلش ابى الكريمه الي بالفيديو احد يترجملي واكون شاككرره له
الحمام المائي مي وحطيها عالنار بس
اختي انا ترجمت الطريقة وكتبت طريقتها عندي بالمدونة بس حطيت الفيديو عشان الطريقة تكون واضحه الكم اكثر :)
ممكن انظم اليكم حيث انا من عشاق صنع الحلويات مشكورة
اكيد اختي واهلا وسهلا فيكي بينا نورت مدونتي وتابعي صفحتي عالفيس ان شاء الله تستفيدي :)
إرسال تعليق
ضع بصمتك